Pode que soe a broma, pero o documento está asinado por unha das mandamás de Google, Marissa Mayer. A compañía tardou máis de cinco anos en conseguilo pero finalmente logrou patentar a súa páxina de inicio.
Dende agora todo o que queira repetir este formato, imitado ata a saciedade, terá que pensarllo dúas veces, porque ben podería recibir unha carta dos avogados de Google "por vulnerar a patente desta "interface gráfica" de usuario" para a visualización dunha pantalla dunha terminal de comunicacións". Ou algo así, segundo reflicte o documento que mostra Gawker [2].
Así que unha gran caixa de texto e un botón para buscar con enlaces arredor: Yahoo!, Bing, Ask, The Pirate Bay... imos, que case calquera sitio que conta cun buscador potente adoptou un formato similar ao de Google.
En Mountain View acertaron, iso está claro, pero teñen dereito a apropiarse unha forma lóxica de presentar un formulario de busca que hoxe xa é un estándar?