Dende hai varios anos, O Servizo Galego de Igualdade (SGI), dependente de Vicepresidencia da Xunta de Galicia, estivo a traballar coa Asociación de Enxeñeiros en Informática de Galicia (AEIG) co fin de impartir cursos de iniciación a Internet a mulleres no contorno rural. A partir deste ano, será o Colexio Profesional de Enxeñaría en Informática de Galicia (CPEIG) o que colabore co SGI, de xeito que proporcione docentes para a impartición dos cursos.

Obxectivo

Xeralizar a utilización de Internet nos fogares por parte das mulleres, de xeito que lles permita reforzar educativamente aos/ás seus/súas fillos/as de primaria, realizar a declaración da renda, procurar viaxes, manexar correo electrónico, pedir citas médicas e outros.

Lugares de impartición

Os cursos deste primeiro semestre de 2009 realizaranse en:

• Carballo

• Láncara

• Santa Comba

• Sarria

• Touro

• Xunqueira de Espadañedo
  

Docentes

Para a impartición destes cursos precisanse 6 profesores/as Enxeñeiros/as en Informática.

Desenvolvemento dos cursos

• Os cursos son de 20 horas de duración.

• Os días e horarios dos cursos están por confirmar por parte dos concellos.

• O manual xa está elaborado, polo que o traballo dos profesores limitarase a impartir o curso.

• Os honorarios serán de 75 Euros/hora se non se precisa desprazamento e de 90 Euros/hora se hai desprazamento.

• Hai que ter en conta que sobre o importe total do curso, o Servizo Galego de Igualdade fará unha retención do 15% en Facenda. Enviarase o xustificante correspondente para adxuntar na declaración de IRPF.

• Os pagos realízaos directamente o Servizo Galego de Igualdade.
  

Pre-inscrición

A pre-incrición como docente deste cursos é un servizo que unicamente se ofrece aos/ás membros colexiados/as. Para a realizar a pre-inscrición como docente é preciso cumprimentar o formulario online de pre-inscrición.

Unha vez enviado o formulario, nun prazo máximo de 48 horas desde o seu envío, será precisio remitir o Curriculum Viate ao enderezo electrónico que se indica ao final do proceso de pre-inscrición online.

Admisión e confirmación da asistencia

Os docentes serán seleccionados en función dos parámetros anteriores, a lista de concellos e a dispoñibilidade horaria.

Tal e como se veu facendo en todas as convocatorias anteriores, tratarase de repartir os cursos entre todos os interesados/as, de xeito que se beneficie o maior número de colexiados/as posíble.