Madrid acollerá o próximo 25 de setembro o 'Día do programador' de Google, unha actividade organizada pola compañía norteamericana que inclúe coloquios, conferencias e talleres de programación, entre outras actividades.

Os responsables de Google elixiron por primeira vez unha cidade española para acoller a este evento, que xa se celebrou en nove ocasións.

A compañía asegura que o 'Día do programador' facilitará a interacción entre programadores locais e permitirá o desenvolvemento de diversas aplicacións.

Este evento reunirá enxeñeiros e especialistas de produto co obxectivo de mellorar o funcionamento da web e, á súa vez, estará enfocado no emprego das redes sociais, segundo informou nun comunicado.