Condicións especiais de ING para colexiados e colexiadas

Introdución

Logotipo de ING Este documento describe as condicións especiais que ING proporciona aos/ás colexiados/as en virtude dun convenio asinado co CPEIG.

Para coñecer os detalles concretos ou acceder a estas vantaxes colexiais pode contactarse a través deste formulario web Símbolo de email pequeno .

As vantaxes colexiais ofrecidas por ING engloban os seguintes produtos:

Asesoramento.
Conta nómina.
Hipoteca laranxa.
Préstamos persoais.
Conta laranxa.
Xeración F Único.
SEGUR fondo dinámico.
SEGUR plan profesional.

Asesoramento

O convenio inclúe asesoramento financeiro personalizado e de calidade ao estilo da banca persoal ou banca privada, pero destinada a calquera colexiado/a, sen ningún tipo de requisito pola súa banda.

O/A colexiado/a poderá concertar unha entrevista cos asesores que ING ten na Oficina de Lugo. A través da mesma poderá transmitirlles todas as súas dúbidas sobre planificación financeira, de forma que se lle proporcione unha solución optima a todas as súas necesidades financeiras. Neste sentido, o traballo de ING consistirá en analizar a situación actual do/a colexiado/a propóndolle a forma de mellorala a través das solucións de ING con condicións preferentes.