As Nacións Unidas convocan un exame anual para recrutar novos profesionais altamente cualificados que desexen iniciar unha carreira profesional en NNUU. A convocatoria de 2012 está aberta a candidatos españois.

Requisitos para participar

• Ser menor de 32 anos o 31 de decembro de 2012 (nacidos o 1 de xaneiro de 1980 en diante).
• Ter un título universitario de grao.
• Excelente nivel de inglés e/ou francés . 
• Ter a nacionalidade dun país participante (España participa na convocatoria de 2012).

As áreas convocadas son as seguintes:

• Arquitectura
• Asuntos Económicos
• Asuntos Políticos
• Asuntos Sociais
• Produción de radio (portugués ou suahili)
• Tecnoloxías da Información.

O prazo de presentación de solicitudes estará aberto do 13 de xullo ao 12 de setembro de 2012.

O exame terá lugar en Madrid o 5 de decembro de 2012.

Nacións Unidas seleccionará aos 40 españois máis cualificados de cada área para participar no exame escrito; nesta selección terán en conta:

• Idiomas: excelente nivel noutros idiomas oficiais de Nacións Unidas (árabe, chinés, español, ruso).
• Titulación universitaria: nivel superior na área convocada.
• Experiencia: tempo de traballo na área convocada.

O proceso de selección está a cargo do Departamento de Recursos Humanos de Nacións Unidas e pode seguirse na seguinte ligazón: https://careers.un.org/lbw/home.aspx?viewtype=NCE

Unidade de Funcionarios Internacionais
Ministerio de Asuntos Exteriores e Cooperación
ufi@maec.es