21 de maio

Beneficios colexiais

Revista da Enxeñaría Informática

Iniciativa do colexio

Boletin CPEIG

Apúntate ao boletín do colexio

María García, gañadora do Premio Proxecto Fin de Carreira do CPEIG

Recibirá 1.000 euros o vindeiro venres, día 3 de xuño, na Noite da Enxeñaría en Informática de Galicia

Maria Garcia

Santiago de Compostela, 27 de maio de 2016.- O Colexio Profesional de Enxeñaría en Informática de Galicia (CPEIG) vén de fallar o Premio Proxecto Fin de Carreira, que nesta oitava edición da Noite da Enxeñaría en Informática distingue a ferrolá María García García polo proxecto Estratexias transaccionais para lograr High-Perfomance en aplicacións JEE7. O obxectivo do traballo é maximizar a eficiencia dos sistemas de transacción garantindo a integridade e consistencia dos datos.

A catedrática Nieves Rodríguez Brisaboa, Premio Ada Byron 2016 do CPEIG

O galardón fai visible o traballo da muller no eido informático e representa un xusto recoñecemento á innovación

Nieves Rodríguez Brisaboa

Santiago de Compostela, 26 de maio de 2016.- O Colexio Profesional de Enxeñaría en Informática de Galicia (CPEIG) acordou outorgarlle á catedrática Nieves Rodríguez Brisaboa o Premio Ada Byron, mediante o cal recoñece e fai visible o traballo da muller no eido informático.

A galardoada, quen é doutora en Computación e Psicoloxía, recollerá unha estatuíña conmemorativa o vindeiro día 3 de xuño, dentro dos premios anuais da “Noite da Enxeñaría en Informática de Galicia”.

A Autoridade Portuaria da Coruña recibe o premio Iniciativa Empresarial polo proxecto Smart Port A Coruña

Desenvolvido pola Ute Avante Emetel-Altia, converte o Porto da Coruña en pioneiro na implantación dun modelo de xestión integrada a través da innovación, a intelixencia e as TIC

Smart Port Coruña

A Autoridade Portuaria da Coruña recibirá o premio Iniciativa Empresarial que outorga o Colexio Profesional de Enxeñaría en Informática de Galicia (CPEIG) polo proxecto Smart Port A Coruña. Trátase dun modelo pioneiro de xestión integrada a través da innovación, a intelixencia e as TIC desenvolvido pola Ute Avante Emetel-Altia cunha rede de socios expertos en I+D, como universidades e centros tecnolóxicos. O galardón entregaráselle no decurso da Noite da Enxeñaría en Informática de Galicia, que terá lugar o vindeiro 3 de xuño en Santiago de Compostela.

Alejandro Pazos Sierra, elixido por unanimidade colexiado de honra do CPEIG

O padronés conta cunha dilatada carreira profesional como investigador, docente e xestor

Alejandro Pazos

O CPEIG acordou por unanimidade, na súa asemblea xeral do pasado 21 de maio, recoñecer a Alejandro Pazos como colexiado de honra na que será a oitava edición dos premios anuais que se entregarán o vindeiro 3 de xuño no Hotel-Monumento San Francisco, en Santiago de Compostela.

Pazos Sierra naceu en Padrón (A Coruña) en 1959. Estudou Medicina na Universidade de Santiago de Compostela e en 1989 realizou un Máster en Enxeñaría do Coñecemento na Universidade Politécnica de Madrid. Obtivo unha bolsa predoutoral de IBM coa que se doutorou en Enxeñaría Informática por esa mesma universidade en 1990. 

A Fundación Vodafone España recibirá o Premio e-Inclusión, un dos galardóns da Noite

As actividades da entidade diríxense ao desenvolvemento das TIC para fomentar a accesibilidade universal e a inserción

Fundacion Vodafone

O Colexio Profesional de Enxeñaría en Informática de Galicia (CPEIG) vén de facer público o recoñecemento á Fundación Vodafone España,  gañadora do premio e-Inclusión pola súa acción social, que realiza con proxectos apoiados en desenvolvementos das TIC a prol das persoas maiores e das persoas con discapacidade baixo o epígrafe “Connecting for Good”.

O CPEIG fará entrega do galardón o vindeiro día 3 de xuño dentro da “Noite da Enxeñaría en Informática de Galicia”, que terá lugar no Hotel-Monumento San Francisco en Santiago de Compostela.

Riscos e vantaxes das novas tecnoloxías e obradoiros para grandes e pequenos, o venres en ourense da man de Rapaciñ@s

  • Xornada para nais e pais para previr riscos na Internet organizada polo CPEIG e Amtega, coa colaboración do Concello de Ourense e o Centro de Coñecemento “La Molinera”
  • Nenos e nenas de entre 8 e 14 anos poderán participar en diferentes obradoiros
  • Cómpre inscrición previa en https://www.ticketea.com/entradas-taller-rapacinos-ourense/

Logo Rapaciñ@s

O vindeiro venres, 20 de maio, o Centro de Coñecemento “La Molinera”, sito na rúa Bebedoiro da cidade de Ourense, acollerá a xornada Rapaciñ@s, impulsada polo Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega). Colaboran o Concello de Ourense e o Centro “La Molinera”. O horario do evento, que é gratuíto, vai de 18.30 H. a 19.30H.

Dous traballos do Colexio Sagrado Corazón de Pontevedra gañan o concurso de programación de Rapaciñ@s

Logo Rapaciñ@s

Dous traballos presentados por alumnado de 1º da ESO do Colexio Sagrado Corazón de Pontevedra resultaron gañadores da primeira edición do concurso de programación organizado polo Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) no marco do evento tecnolóxico Rapaciñ@s.

Os proxectos consisten en historias sobre o Día das Letras Galegas en formato story telling e utilizando a ferramenta Scracht. O colexio recibirá dous kits de robótica como premios a cada un dos traballos. 

O CPEIG recoñece a empresa NLPgo e o seu traballo a prol da lingüística co Premio Iniciativa Emprendedora

O colexiado Mario Barcala coordina a firma, que ten sede en Ames

Logo CPEIG

O Colexio Profesional de Enxeñaría en Informática de Galicia (CPEIG) vén de fallar o seu "Premio Iniciativa Emprendedora", do que resultou gañadora a empresa NLPgo. A entrega do galardón será o 3 de xuño, dentro da celebración da "Noite da Enxeñaría en Informática de Galicia", durante a cal se celebrarán os premios anuais do CPEIG.

Xornada Ciberdelitos e outros asuntos telemáticos.

Venres 20 de Maio de 17:00 a 20:00.

Logo CPEIG

O Colexio Profesional de Enxeñaría en Informática de Galicia (CPEIG) organiza unha Xornada xudicial na Escola Galega de Administración Pública (EGAP) o vindeiro 20 de maio de 17:00 a 20:00, en Santiago de Compostela.

Esta actividade divulgativa busca informar e concienciar dos avances tecnolóxicos en materia probatoria e sobre as novas plataformas que o xulgado pon ao servizo dos profesionais relacionados con ese ámbito.

A actividade está orientada, por unha banda aos profesionais TIC, especialmente peritos informáticos para que poidan coñecer máis detalles legais que poden afectar ao seu labor e, por outra banda a profesionais da xustiza, xuristas que necesitan estar ao tanto dos cambios que a tecnoloxía xera na nosa sociedade e como consecuencia no noso día a día.