Documentación necesaria

Para colexiarse poden darse dúas situacións distintas:

1. Enxeñeiros/as que se censaron para a asemblea constituínte celebrada o 15 de decembro de 2007.

2. Enxeñeiros/as que non están censados.

Segundo a situación na que se atope o/a enxeñeiro/a os documentos necesarios para a colexiación varían lixeiramente. Nos seguintes apartados explícase con detalle cada caso.

Enxeñeiros/as que se censaron para a asemblea constituínte celebrada o 15 de decembro de 2007

Para colexiarse precisan os seguintes documentos:

1. Fotocopia do DNI ou pasaporte.

2. Documento da entidade bancaria onde consten o/a solicitante da colexiación como titular da conta e todos os díxitos da mesma: 4 para o código do banco, 4 para a oficina, 2 para o díxito de control e 10 para a conta corrente. Pode ser calquera tipo de documento bancario que inclúa a información anterior (impreso sacado da web, fotocopia da primeira páxina da libreta, etc). Non é preciso compulsar este documento.

3. Formulario de colexiación para censados cumprimentado e asinado [descargar].

4. Formulario de adhesión ao seguro de responsabilidade civil xestionado polo colexio cumprimentado e asinado, ou documentación acreditativa de estar en posesión dun seguro equivalente á opción básica do seguro xestionado polo colexio [descargar]. A modalidade básica do seguro xestionado polo colexio non supón custe adicional, xa que se atopa incluído na cota de colexiación. Na sección de servizos deste sitio web está dispoñible máis información sobre o seguro de responsabilidade civil xestionado polo colexio.

Enxeñeiros/as que non están censados

Para colexiarse precisan os seguintes documentos:

1. Fotocopia do DNI ou pasaporte.

2. Fotocopia compulsada do título de Licenciado/a ou Enxeñeiro/a en Informática. A compulsa pode realizarse nalgúns organismos públicos, por exemplo a Xunta de Galicia, nun notario, ou a través do servizo gratuíto de cotexo de título que o CPEIG ten en diversas cidades de Galicia. O prezo da compulsa na Xunta de Galicia ronda os 1,5 €.

   Para contactar co servizo gratuíto de cotexo de título do CPEIG pode utilizar os formularios web que se indican a continuación. O servizo de cada unha destas cidades indicaralle o lugar e hora nos cales poderá contactar cun representante do colexio que cotexará o título en cuestión. Así mesmo, tamén poderá aproveitar o momento do cotexo para entregarlle ao representante do colexio toda a documentación de colexiación en lugar de remitila por correo postal ou entregala na sede do colexio.

   • Servizo de cotexo de título na cidade da Coruña.

   • Servizo de cotexo de título na cidade de Ourense.

   • Servizo de cotexo de título na cidade de Santiago.

3. Documento da entidade bancaria onde consten o/a solicitante da colexiación como titular da conta e todos os díxitos da mesma: 4 para o código do banco, 4 para a oficina, 2 para o díxito de control e 10 para a conta corrente. Pode ser calquera tipo de documento bancario que inclúa a información anterior (impreso sacado da web, fotocopia da primeira páxina da libreta, etc). Non é preciso compulsar este documento.

4. Formulario de colexiación cumprimentado e asinado [descargar].

5. Formulario de adhesión ao seguro de responsabilidade civil xestionado polo colexio cumprimentado e asinado, ou documentación acreditativa de estar en posesión dun seguro equivalente á opción básica do seguro xestionado polo colexio [descargar]. A modalidade básica do seguro xestionado polo colexio non supón custe adicional, xa que se atopa incluído na cota de colexiación. Na sección de servizos deste sitio web está dispoñible máis información sobre o seguro de responsabilidade civil xestionado polo colexio.

Cotas de colexiación

A cota de colexiación é de 60 € semestrais (120 € anuais). Segundo acordo da Asemblea Xeral, cada unha destas cotas é integra. Esto quere dicir que independentemente do día do semestre no cal se produza a incorporación ao colexio, a cota cobrarse íntegramente.

A previsión é que os recibos se pasen cada seis meses, un no mes de xaneiro e outro en xullo. Excepcionalmente, durante o ano 2008 os recibos tramitaranse nos meses de abril e setembro.

Os/as membros colexiados en situación de desemprego poden acollerse á exención da cota de colexiación.

Onde entregar ou remitir a documentación

Os documentos para a colexiación deben entregarse ou ser enviados por correo ordinario á sede do CPEIG no seguinte enderezo: