Beneficios colexiais

Revista da Enxeñaría Informática

Iniciativa do colexio

Boletin CPEIG

Apúntate ao boletín do colexio

Curso de Administración electrónica e arquivo electrónico administrativo

A EGAP, a AMTEGA e o Colexio Profesional de Enxeñería en Informática de Galicia (CPEIG) organizan o Curso de Administración electrónica e arquivo electrónico administrativo.

Logotipo da escola galega de administracións públicas (EGAP)

Esta actividade formativa pretende afondar, desde unha perspectiva técnico-xurídica, na concepción da Administración electrónica, con especial énfase no arquivo electrónico, incidindo na importancia que ten a súa implantación nas distintas administracións da nosa comunidade. Os contidos do programa enfocarán desde distintas perspectivas a Administración electrónica para que os alumnos adquiran ou perfeccionen os coñecementos teóricos e prácticos da informática e do Dereito, completando a súa formación no Dereito da informática.

Un estudo da Xunta sinala que só o 18% dos alumnos da ESO e de Bacharelato optarían por estudos científico-tecnolóxicos

No estudo, no que participou o CPEIG, a vocación, segundo o 92% dos alumnos, é o principal motivo para a elección do itinerario formativo, seguido da utilidade (78%) e a facilidade (45%)

Estudo vocacions

Só o 8,5% dos futuros universitarios apostan por encamiñar o seu futuro laboral no ámbito tecnolóxico, a pesar de que o sector TIC Galego dá emprego a 15.312 traballadores e mantense por enriba dos 15.000 profesionais desde o ano 2010. En 2015, as empresas TIC galegas prevén incrementar o seu número de empregados nun 30%.

O dato forma parte das principais conclusións dun estudo que foi presentado o pasado día 24 de xullo polo conselleiro Román Rodríguez e a directora da Amtega, Mar Pereira, nun acto no que tamén interviñeron o presidente do Colexio Profesional de Enxeñaría en Informática de Galicia, Fernando Suárez; o presidente do Colexio Profesional de Enxeñaría Técnica en Informática, Marcos Mata; e o secretario Xeral do Colexio Oficial de Enxeñeiros de Telecomunicacións de Galicia, Ramón María Lois.

A campaña “1 mes 1 profesión dixital” analizará o vindeiro 28 de xullo as novas competencias dixitais no eido sociosanitario

O encontro terá lugar a partir das 10.30 horas na Cidade da Cultura

A participación é aberta e gratuíta, previa inscrición e ata completar o aforamento

Logo CPEIG

Santiago, 23 de xullo de 2015.- O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan o vindeiro martes 28 a xornada Faite profesional dixital do ámbito sociosanitario. O encontro intégrase na campaña de divulgación e difusión de novos perfís profesionais na era dixital 1 mes, 1 profesión dixital e desenvolverase na Cidade da Cultura de Galicia, en Santiago de Compostela.

O BOE publica os Estatutos Xerais dos Colexios Oficias de Enxeñaría Superior e Técnica en Informática e dos Consellos Xerais

O CPEIG congratúlase do avance que representa para os profesionais da Informática

Logo CPEIG

Santiago de Compostela, 13 de xullo de 2015.- O Boletín Oficial do Estado (BOE) publicou na súa edición do pasado 11 de xullo os Estatutos Xerais dos Colexios Oficiais de Enxeñaría Técnica e Enxeñaría Superior en Informática, así como dos seus Consellos Xerais.

Nesta ligazón tes acceso á publicación http://www.boe.es/diario_boe/txt.php?id=BOE-A-2015-7774.

A tese da colexiada Lorena Otero achega importantes avances para integrar diferentes dispositivos e proxectos de Smart Cities

O membro da xunta de goberno Francisco Javier Rodríguez Martínez dirixiu a investigación na ESEI

Lorena Otero

A colexiada do CPEIG Lorena Otero desenvolveu na súa tese de doutoramento “Estudo e aplicación de novos métodos de aliñamento de ontoloxías”, presentada recentemente, unha serie de algoritmos que permitirán integrar diferentes dispositivos e proxectos de Smart Cities. Trátase dun importante avance para as Cidades Intelixentes, un éxito que o CPEIG quere destacar publicamente.

Lorena Otero é unha colaboradora moi activa do colexio e tivo como director da tese, que presentou neste curso académico na Escola Superior de Enxeñaría Informática do campus de Ourense,  o profesor e tamén membro da xunta de goberno do CPEIG Francisco Javier Rodríguez.

O alcalde da Coruña recibiu en audiencia o presidente do CPEIG

O encontro tivo lugar na Casa do Concello o pasado 8 de xullo

Reunion Alcalde Coruna

O presidente do Colexio Profesional de Enxeñaría en Informática de Galicia (CPEIG), Fernando Suárez Lorenzo, entrevistouse o pasado día 8 de xullo co alcalde da cidade da Coruña, Xulio Ferreiro Baamonde.

Na xuntanza mantida ambos os dous interlocutores coincidiron na oportunidade que representan as Cidades Intelixentes como revulsivo para o sector tecnolóxico. Ferreiro e Suárez acordaron afondar, en posteriores encontros, nesa idea ata concretar proxectos nos que o Colexio poida facer achegas de interese para a cidade herculina.

Economía e Industria destaca a CPI como chave para axudar ás empresas a desenvolver novos produtos de vangarda e comercializalos

O director de GAIN, participou na inauguración dunha Xornada sobre CPI organizada polo CPEIG e o Clúster TIC

Defende as oportunidades que se abren para Galicia para levar a cabo este tipo de contratos en Galicia ata 2020

Logo CPEIG

Santiago, 3 de xullo de 2015.- O director da Axencia Galega de Innovación (Gain), Manuel Varela, destacou onte a compra pública innovadora como unha técnica de contratación clave para axudar ás empresas galegas a desenvolver novos produtos de vangarda e comercializalos. Varela participou na inauguración dunha xornada sobre esta técnica de contratación, organizada polo CPEIG e o Clúster TIC, e defendeu que o feito de que a administración merque un produto innovador para resolver unha necesidade ten unha tripla vantaxe: dota ao sector público dunha tecnoloxía que facilita o servizo ao cidadán; permite a unha empresa galega que vén de investir no desenvolvemento dun proxecto de vangarda acadar a primeira venda, amortizando parte do investimento; e permite ademais amosar que o produto funciona, abrindo a porta á súa comercialización en todo o mundo, e contribuíndo así á boa marcha das exportacións da comunidade.

O CPEIG convocou o sector TIC baixo o compromiso de crear unha sociedade da información centrada na persoa e inclusiva

A Noite da Enxeñaría en Informática de Galicia reuniu empresariado, representantes públicos e colexiados no Hotel San Francisco

A Noite

Santiago de Compostela, 26 de xuño de 2015.- O Colexio Profesional de Enxeñaría en Informática de Galicia (CPEIG) celebrou o pasado 26 de xuño a  Noite da Enxeñaría en Informática de Galicia, un acto no que fixo entrega dos premios anuais  e no que se reforza o espírito de pertenza a un colectivo con demandas e intereses comúns. Unhas 250 persoas participaron na gala, á que asistiron a conselleira de Sanidade, Rocío Mosquera, e o conselleiro de Cultura, Educación e Ordenación Universitaria, Román Rodríguez; autoridades académicas; unha representación do empresariado TIC e colexiadas e colexiados.

Xornada de oportunidades de Compra Pública Innovadora (CPI) para empresas TIC

Logo CPEIG

Como complemento á Noite do 26 de xuño, o CPEIG vai celebrar o 2 de xullo un encontro que amosará as potencialidades da Compra Pública Innovadora (CPI) para o impulso das firmas do noso tecido tecnolóxico-dixital.

Acceso gratuíto previa inscrición na conta: eventos@cpeig.org antes das 14:00 horas do 1 de xullo. 

Novos perfís profesionais ábrense paso na banca da man das TIC

No marco dunha campaña institucional de fomento das habilidades dixitais

Logo CPEIG

A dixitalización e as novas tecnoloxías da información e da comunicación están revolucionando todos os eidos da sociedade e polo tanto tamén os perfís dos profesionais que exercen en cada un deles. Un deses sectores é o da banca, que a pesar do seu carácter tradicional está vendo como xorden negocios ou liñas de traballo baseadas nas TIC que ofrecen novas alternativas de intercambio monetario. Algúns deses exemplos nados en Galicia puidéronse coñecer este martes na Escola Superior de Enxeñaría Informática do campus de Ourense no marco da Xornada Faite profesional da banca do futuro.