Open Data e RISP constitúen elementos xeradores de emprego e riqueza ao abrir a posibilidade de oportunidades de negocio para emprendedores que poden crear novas aplicacións, servizos e produtos en base a esta información.

O futuro encamíñase na dirección de modelos de negocio online que evolucionan constantemente para satisfacer a inmediatez e a personalización da demanda actual. Isto, xunto coa clara tendencia cara a un consumo cada vez máis dixital, coloca o sector empresarial diante dun reto dunha enorme envergadura, pero tamén ante un abano de oportunidades.

O Colexio Profesional de Enxeñaría en Informática de Galicia (CPEIG), na véspera do Día Mundial da Internet, que se conmemora o 17 de maio, quere facer pública a seguinte declaración institucional:

O ser humano xerou, desde o principio da súa historia ata o ano 2003, uns cinco exabytes de información, é dicir, cinco mil millóns de xigabytes, segundo os cálculos de IBM. O ano pasado, 2011, xeramos aproximadamente ese mesmo volume de información cada dous días; o vindeiro ano 2013 xeraremos esas mesmas cantidades cada dez minutos.

O perfil do enxeñeiro en Tecnoloxías da Información e a Comunicación (TIC) "resiste mellor á crise en comparación con outros sectores". Esta mensaxe esperanzadora para os milleiros de estudantes que se forman nas universidades españolas, é unha das conclusións ás que chegaron na Escola Universitaria Informática Tomás Cerdá, onde, baseándose na análise das saídas laborais do seu alumnado de Grao de Informática e Servizos, aseguran que "o 84% dos alumnos atopan traballo antes de rematar os seus estudos".

Un escándalo>provocado polo currículo do director xeral de Yahoo, Scott Thompson, provoca o seu cesamento no cargo, xa que aparecía unha titulación en Informática en 1978 no Stonehill College, a cual foi negada pola institución académica, xa que non ofreceu tal disciplina ata 1983.

Aínda que dende Yahoo aseguren que o cesamento de Thompson responde a “motivos persoais”, resulta evidente que a súa credibilidade quedou totalmente en cuestión ao descubrirse que inventara ter unha titulación académica para reforzar a súa posición como directivo no sector, o que recoñeceu como “un erro inadvertido”.

O Colexio Profesional de Enxeñaría en Informática de Galicia (CPEIG) clausurou esta mañá en Santiago de Compostela as xornadas Administración electrónica, Sede, Goberno e Contratación, organizadas en colaboración coa Axencia para a Modernización Tecnolóxica de Galicia (Amtega), a Facultade de Ciencias Económicas e Empresariais e o centro de Estudos Cooperativos da USC.

No acto de clausura, o presidente do CPEIG, Fernando Suárez Lorenzo, destacou a calidade dos relatores e a afluencia de público, con 140 inscritos, e indicou que a Administración electrónica permite non só un avance da propia Administración, senón un maior achegamento e apertura cara á cidadanía. 

Cada día as administracións producen unha incrible cantidade de datos. As administracións públicas sábeno todo: cantas persoas viven nunha zona, cantas necesitan axuda pola súa idade, por onde pasan as liñas de autobús ou cal será a temperatura mañá na localidade X. Da administración dependen moitos organismos, polo que no seu poder hai moitos datos.

Ross Anderson participou en varios desenvolvementos criptográficos como as primitivas Bear, Lion e Tiger ou o código de cifrado de bloques Serpent; investiga nas relacións da economía e seguridade, e é tamén un defensor das liberdades no mundo dixital.

O vindeiro mércores 16, ás 10:00 na Facultade de Informática da UDC, o experto internacional en seguridade informática Profesor Ross Anderson, da Unde de Cambridge, impartirá a conferencia titulada "Cryptology and security-where is the research frontier?".

A directora da Axencia para a Modernización Tecnolóxica de Galicia (Amtega), Mar Pereira, sinalou esta mañá que o Goberno galego vén desenvolvendo un conxunto de medidas a través da Axenda Dixital 2014.gal para avanzar cara unha Administración electrónica capaz de ofrecer a cidadáns e empresas uns servizos eficientes e próximos mediante o emprego das tecnoloxías da información.

Neste sentido, destacou que o obxectivo da Xunta neste momento difícil no que é importante valorar os investimentos fronte aos beneficios que supoñen, o desenvolvemento da administración electrónica supón a mellora da eficiencia e a redución de custes na propia administración pública así como a diminución das cargas administrativas para cidadáns e empresas.

O Colexio Profesional de Enxeñaría en Informática de Galicia (CPEIG) organiza, en colaboración coa Axencia para a Modernización Tecnolóxica de Galicia (Amtega), a Facultade de Ciencias Económicas e Empresariais e o centro de Estudos Cooperativos da USC, as xornadas Administración electrónica, Sede, Goberno e Contratación, previstas para o días 8, 9 e 10 de maio en Santiago de Compostela.

O acceso ás xornadas é libre, aínda que as persoas que requiran o diploma acreditativo cómpre que se inscriban antes do día 7 de maio nos seguintes enderezos electrónicos: cecoop@usc.es ou eventos@cpeig.org, ou persoalmente na Facultade de Económicas e Empresariais.

O Colexio Profesional de Enxeñaría en Informática de Galicia (CPEIG) abriu o prazo de inscrición no curso en liña "Aspectos legais de Internet e das TICs", unha actividade formativa que se inscribe dentro do Programa de Formación do CPEIG para o presente ano.

O curso ofrece os instrumentos teóricos e, sobre todo, prácticos do Dereito en relación a Internet e ás novas tecnoloxías. Analiza a lexislación relevante e achega unha completa análise da xurisprudencia non só en España, senón tamén en Europa.

Dúas estudantes que están a realizar o seu doutoramento na Facultade de Informática da Universidade dá Coruña (UDC), Sabela Ramos Garea e Ana María Freire Veigan, acaban de ser premiadas polo buscador Google cunha bolsa, dentro do seu programa Google Anita Borg Scholarship. O obxectivo desta iniciativa é facer máis visible a presenza das mulleres no campo da computación e a tecnoloxía, impulsándoas a adoptar un papel activo e de liderado neste tipo de disciplinas, onde normalmente teñen maior presencia os homes.

O Colexio Profesional de Enxeñaría en Informática de Galicia (CPEIG) decidiu concederlle a título póstumo o Premio Traxectoria Profesional -dentro dos galardóns que concede anualmente na Noite da Enxeñaría en Informática- ao profesor, investigador e emprendedor Víctor Gulías Fernández, falecido recentemente.

O homenaxeado foi director do CITIC (Centro de Investigación en Tecnoloxías da Información e as Comunicacións) e profesor titular na Universidade da Coruña. 

O Colexio Profesional de Enxeñaría en Informática de Galicia (CPEIG) participará o vindeiro xoves, día 26 de abril, cun relatorio sobre Open Data no VIII Congreso da Enxeñaría Informática da Comunidade Valenciana, organizado polo Colexio Oficial de Enxeñaría en Informática desa comunidade.

A directora da Axencia para a Modernización Tecnolóxica de Galicia (Amtega), Mar Pereira, destacou hoxe o esforzo do Goberno galego por potenciar a transparencia informativa, incrementar a accesibilidade e fomentar a participación cidadá e a súa interlocución coa Administración con medidas como a recente posta en marcha do portal Abert@s. Con este espazo Galicia sumouse as iniciativas de Open Data que se veñen desenvolvendo desde 2009 a nivel internacional e, posteriormente, a nivel estatal.

A responsable da Amtega sinalou que somos a novena comunidade que pon a disposición de cidadáns e empresas información xerada pola Administración para a súa reutilización. Sen embargo, este portal, que se puxo en marcha a finais de marzo, é o quinto do Estado en canto a contidos xa que comezou a súa andaina cun catálogo inicial de 250 conxuntos de documentos, unha cifra superior á doutras comunidades con portais Open Data operativos desde hai dous anos.

O CPEIG, co apoio da Xunta de Galicia, vén de editar este estudo pioneiro que, ao longo de 158 páxinas, analiza o contexto actual da iniciativa Open Data. O libro Open Data y RISP, generando valor social y económico. Transparencia e innovación en la eAdministración aborda as orixes, conceptos e réxime xurídico da iniciativa, ademais da opinión dos principais referentes do sector, e conclúe cunha serie de reflexións e análises do futuro da reutilización da información do sector público.

Os autores da obra son Emilo José Diez rico e Rafael A. Millán Calenti, mentres que a dirección e coordinación do mesmo corre a cargo de Fernando Suárez Lorenzo e Martín Gómez Rodríguez.

O Colexio Profesional de Enxeñaría en Informática de Galicia (CPEIG) ultima a organización, en colaboración coa Axencia de Modernización de Galicia (Amtega) da xornada Open Data, Oportunidades de Transparencia na Era da Información, prevista para o vindeiro día 18 de abril en horario de mañá.

O CPEIG reunirá diferentes expertos galegos e do resto de España para abordar o movemento que aposta por que determinados datos estean dispoñibles de forma libre a todo o mundo, sen restricións de copyright nin patentes, ou outros mecanismo de control. A filosofía do Open Data reside en liberar os datos co fin de propiciar o seu uso.

A acción formativa desenvolverase na Escola Galega de Administración Pública (EGAP) en Santiago de Compostela, o sábado 21 de Abril en horario de 10:00 a 13:30.

Os encargados de impartir o seminario serán Eduardo de la Fuente e Alberto de Vega, da empresa Presentaciones Artesanas. Os dous relatores son recoñecidas referencias na materia e procurarán que os asistentes aprendan as destrezas necesarias para que as presentacións conecten coa audiencia e non caian no aburrimento.

O vindeiro luns, día 16, o salón de actos da Facultade de Informática da Coruña acollerá a organización da xornada ¿Nos subimos a la nube?, que conta co apoio e participación do Colexio Profesional de Enxeñaría en Informática de Galicia (CPEIG), entre outras entidades e empresas. O acceso ás charlas é gratuíto e libre, sen necesidade de inscrición previa, ata completar o aforo.

A inauguración da xornada, prevista para as 16.30 h., correrá a cargo do decano da Facultade de Informática da Coruña, Aberto Valderruten; do presidente do CPEIG, Fernando Suárez Lorenzo, e de Mario Herraiz, de Amazon Web Services Iberia.

Os datos son para pensalo. Un fallo informático pode custar ás empresas entre 45.000 e 75.000 euros á hora. Mesmo, levado ao extremo, o custo final para unha gran corporación, con miles de empregados e millóns de usuarios, pode chegar a ascender a 7,5 millóns de euros nunha hora, para unha empresa de telecomunicacións, o sector máis impactado por este tipo de incidencias.

CCII e CONCITI expresan o seu profundo malestar e preocupación tanto ao Ministro de Industria, Enerxía e Turismo como ao Secretario de Estado para as Telecomunicacións e Sociedade da Información pola exclusión do colectivo dos profesionais da enxeñaría informática en a creación do Grupo de Expertos de Alto Nivel que proporá e tutelará as medidas máis adecuadas para desenvolver a estratexia do Goberno en Telecomunicacións e Sociedade da Información denominada como Axenda Dixital Española.

Desde o Centro de Orientación, Información e Emprego (COIE) da Universidade Nacional de Educación a Distancia anunciase o proxecto Prácticas profesionais virtuais no Espazo Europeo de Educación Superior. Esta iniciativa, apoiada polo Ministerio de Educación, ten como obxectivo establecer un sistema de prácticas extracurriculares con tutorización a través da plataforma educativa online aLF.

Un centenar de policías nacionais, autonómicos e locais e de garda civís participaron no curso sobre delitos informáticos que organizou o Sindicato Unificado de Policía (SUP) no centro de recursos e servizos de apoio á empresa de Santiago, Cersia. O profesor é Juan Padrón, enxeñeiro informático e experto na materia que colabora habitualmente co SUP.

O Colexio Profesional de Enxeñaría en Informática de Galicia (CPEIG) e a Escuela Europea de Negocios (EEN) veñen de asinar un convenio de colaboración que suporá, entre outros beneficios, un desconto mínimo do 15% para os colexiados e empregados do colexio que formalicen matrícula en calquera dos masters, programas ou cursos da EEN na súa sede en Galicia.

A cantidade exacta de bonificación poderá representar un maior desconto en función da acción formativa a realizar ou ben polo volume de matriculacións formalizadas.

Resulta muchas veces llamativo cómo ciertos términos acaban siendo identificados con connotaciones negativas totalmente alejadas de su concepción original. Un ejemplo lo tenemos en la palabra "hacker", injustamente denostada, principalmente por los medios de comunicación, al identificar a aquellas personas que se infiltran en ordenadores ajenos con intenciones nada amistosas.

 A subdirectora xeral de Desenvolvemento da Sociedade da Información da Xunta de Galicia, Yolanda García Ulla, colexidada do Colexio Profesional de Enxeñaría en Informática de Galicia (CPEIG), é unha das homenaxeadas hoxe polo Concello da Coruña, dentro dos actos programados con motivo do Día Internacional da Muller.

O CPEIG propuxo a Yolanda García Ulla, en resposta á petición do concello coruñés, como muller pioneira no seu ámbito profesional. Para o ente colexial esta homenaxe representa un recoñecemento á profesión e ao labor desenvolvido por tantas mulleres nun ámbito, a enxeñaría en informática, no que a muller merece aínda un maior recoñecemento.

A TVG emitiu recentemente este microespazo Navega con Rumbo sobre o Plan Navega con Rumbo polo Ciberespazo, unha iniciativa ideada polo CPEIG e posta en marcha en colaboración coa Xunta de Galicia.

Especialistas do CPEIG achéganse aos centros escolares para impartir charlas divulgativas de unha hora de duración nas que lles ensinan aos escolares a navegar por Internet de forma útil e responsable, implicando tamén aos profesores e pais e nais.